Икътисад 30 октябрь 2016 04:53

Татарстан Россиядә җиңел машиналар базарында дүртенче урынны били

Быел республикада 40 634 автомобиль сатылган. Рейтингны Мәскәү җитәкли, Татарстаннан соң дүртенче булып Краснодар крае килә.

Скопировать ссылку

(Казан, 30 октябрь, «Татар-информ»). Татарстан Россиядә җиңел машиналар базарында дүртенче урынны били - агымдагы елның 3 кварталы нәтиҗәләре шуны күрсәтә. Россия төбәкләрендә җиңел автомобильләр сату күрсәткечләрен «Автостат Инфо» агентлыгы өйрәнгән.

Быел республикада 40 634 автомобиль сатылган.

Мәскәү һәм Санкт-Петербургта 214 222 җиңел машина сатылган. Ике каланың базарлары гомумроссия күләмендә 24,3 процентны тәшкил иткән.

Рейтингны Мәскәү җитәкли, анда өч кварталда 149 999 автомобиль сатылган. Икенче урын Мәскәү өлкәсенә туры килә - 71 473 автомобиль, ә өченче - Санкт-Петербургта (64 249).

Татарстаннан соң дүртенче булып Краснодар крае (34 567) тора.

Беренче унлыкка шулай ук Самара өлкәсе (30 786), Башкортстан (30 219), Ростов өлкәсе (24 163), Свердловск өлкәсе (23 596), Түбән Новгород өлкәсе (21 673) кергән.

#җиңел машина базары

Сәхифәләр

Татарстан Россиядә җиңел машиналар базарында дүртенче урынны били