Татарстан Республикасы көнен бәйрәм итүдә 400 меңнән артык кеше катнашты
Скопировать ссылку
Татарстан Республикасы көненә багышланган бәйрәм чараларында 400 меңнән артык кеше катнашкан, шуларның 290 меңе – Казанда. Бу хакта ТР Рәисе Рөстәм Миңнеханов Хөкүмәт Йортында узган традицион шимбә киңәшмәсендә әйтте.
Республика җитәкчесе җәмәгать тәртибен бозулар булмады, дип билгеләп үтте һәм хокук саклаучы һәм махсус органнар хезмәткәрләренә, чараларны оештыручыларга рәхмәт белдерде.
Киңәшмә республиканың барлык районнары белән видеоконференцэлемтә режимында узды, дип хәбәр итә ТР Рәисе матбугат хезмәте.