Татарстан рапирачылары Россия кубогы призерлары булды
Татарстан командасында Марта Мартьянова, Юлия Мухина, Арина Прыткова һәм Анастасия Семенова чыгыш ясый.
Скопировать ссылку
(Казан, 24 декабрь, «Татар-информ»). 18-24 декабрьдә Лобня шәһәрендә (Мәскәү өлкәсе) фехтование буенча Россия Кубогы ярышларында Татарстан Республикасының хатын-кызлар җыелма командасы өченче урын алды. Бу турыда Татарстан Спорт министрлыгы матбугат хезмәте хәбәр итте.
Курск өлкәсе җыелма командасы җиңде, икенче урында Мәскәү өлкәсе булды.
Ярышларда илнең иң көчле фехтовальщиклары катнаша, алар кылыч, шпага һәм рапира белән шәхси һәм команда ярышларында җиңүчеләрне билгели. Команда беренчелегендә барлыгы 16 команда катнашты.