Татарстан Рәисе: Татарстанда Россия Президентын сайлауда югары активлык булыр дип ышанам

Скопировать ссылку

Киләсе елның язында Россия Федерациясе Президентын сайлау узачак. «Татарстанлылар сайлау кампаниясе барышында югары активлыгын күрсәтер һәм илкүләм лидерыбызның бүгенге курсына теләктәшлек күрсәтер дип ышанам», – дип мөрәҗәгать итте Татарстан Рәисе Рөстәм Миңнеханов парламентка еллык юлламасында.

«Безнең илгә килгән каршылыклар җәмгыятьнең берләшүенә өстәмә этәргеч булыр дип ышанам», – диде Рөстәм Миңнеханов.

Шулай ук, ул киләсе елның сентябрендә республика Дәүләт Советының җиденче чакырылышы сайлап куелачагын искәртте.

«Фәрит Мөхәммәтшин рәислегендә Дәүләт Советы һәрвакыт республика һәм гражданнарның мәнфәгатьләрен кайгыртып, ышанычлы карарлар кабул итә», - диде Татарстан Рәисе.

#Рөстәм Миңнеханов #еллык юллама

Сәхифәләр

Татарстан Рәисе: Татарстанда Россия Президентын сайлауда югары активлык булыр дип ышанам