Татарстан Рәисе Саба районында механизаторлар, хуҗалык җитәкчеләре белән очрашты
Скопировать ссылку
Татарстан Рәисе Рөстәм Миңнеханов Саба районында урып-җыю эшләренең барышын тикшерде. Ул шулай ук механизаторлар, хуҗалык җитәкчеләре һәм бистә башлыклары белән очрашты, дип хәбәр иттеләр Татарстан лидерының матбугат хезмәтендә.
рөстәм Миңнехановка урып-җыюның тулы куәтенә баруы турында сөйләделәр: барлык комбайннар да эшли, чәчүлекләрнең 31 проценты җыелган.
Фото: ТР Рәисе матбугат хезмәте
Татарстан Республикасы Авыл хуҗалыгы һәм азык-төлек министры Марат Җәббаров билгеләп үткәнчә, районда техниканы даими яңартып торалар, кооперативларның эше яхшы оештырылган.
Миңнеханов авыл халкына хезмәтләре өчен рәхмәт белдерде һәм урып-җыюда уңышлар теләде.