Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Рәисе һәм Төркия тышкы эшләр министры уртак проектлар турында фикер алышты
Татарстан Рәисе Рөстәм Миңнеханов Төркия Республикасының тышкы эшләр министры Хакан Фидан белән Ислам хезмәттәшлеге оешмасы әгъзалары булган илләрнең дәүләт һәм Хөкүмәт башлыкларының XV саммиты кысаларында очрашты.
«Яклар саммитның ислам дөньясы илләре өчен мөһимлеген билгеләп үттеләр. Моннан тыш, кыскача әңгәмә барышында Төркия белән Татарстан арасындагы агымдагы проектлар турында фикер алыштылар», – дип сөйләде ТР Рәисе матбугат хезмәте җитәкчесе Лилия Галимова.
Искәртик, бүген ТР Рәисе юбилей саммитын ачу тантанасында катнашты. Ислам хезмәттәшлеге оешмасы дүрт континенттагы 57 дәүләтне берләштерә. Зурлыгы буенча ул Берләшкән Милләтләр Оешмасыннан соң икенче хөкүмәтара оешма булып тора. Россия – берләшмәдә күзәтүче ил.
Кызыклы яңалыкларны күзәтеп бару өчен Телеграм-каналга язылыгыз