news_header_top
16+
news_header_bot
news_top

Татарстан Рәисе БПЛА һөҗүм иткән предприятиеләрне карады

Татарстан Рәисе БПЛА һөҗүм иткән предприятиеләрне карады
Фото: ТР Рәисе матбугат хезмәте

ТР Рәисе Рөстәм Миңнеханов сәнәгать зонасында дошман пилотсыз очкычлары һөҗүменә дучар булган предприятиеләрне карады. Бу хакта Татарстан Рәисе матбугат хезмәте җитәкчесе Лилия Галимова хәбәр итте. Рөстәм Миңнехановка зыянның характеры һәм нәтиҗәләрне оператив бетерү өчен күрелә торган чаралар турында хәбәр иттеләр.

Татарстан Рәисе шулай ук Түбән Камадагы күпкатлы йортны карады.

«Бәхетле очраклылык буенча пилотсыз очкыч күтәреп барган снаряд эшләмәгән. Йортта яшәүчеләрнең барысы да оператив рәвештә эвакуацияләнгән, кешеләр вакытлыча урнаштыру пунктларына китерелгән. Аларга кайнар ризык бирелә һәм анда медицина хезмәткәре дежур тора», – диелә хәбәрдә.

news_right_1
news_right_2
news_bot