Татарстан Рәисе Бохарада булганнан соң,шәһәрнең рәсми каналы фотолар күрсәтте
Скопировать ссылку
Бохараның рәсми Telegram-каналы Татарстан Рәисе Рөстәм Миңнеханов шәһәрдә булганнан соң фотолар урнаштырды.
Аерым алганда, фотоларда ТР Рәисенең Бохара тирәсендә, Касри Арифон авылы янында урнашкан, Нәкышбәндинең суфи ордены (тарикате) башлыгы - 1389 елда вафат булган шәех Баһаветдин Нәкышбәндинең мемориаль комплексы белән танышкан мизгелләр сурәтләнгән.
Кичә Рөстәм Миңнеханов Бохарага эш сәфәре барышында Бохара өлкәсе хокиме Ботир Зарипов белән бергә «Бохара сәнәгатьне үстерү комплексы» махсус сәнәгать паркы төзелеш мәйданчыгында булды. Татарстан Үзбәкстандагы коллегаларына сәнәгать паркын төзү процессында киңәшләр бирә.
