Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Рәисе Әниләр көненә багышланган чараларны лаеклы дәрәҗәдә уздырырга кушты
Иртәгә республикада иң җылы һәм ихлас бәйрәмнәрнең берсе – Әниләр көне билгеләп үтеләчәк. Бу хакта Татарстан йортында узган киңәшмәдә Татарстан Рәисе Рөстәм Миңнеханов искәртте.
«Ана мәхәббәте – безгә тормышта терәк һәм үз-үзебезгә ышаныч бирә торган олы көч», – дип ассызыклады Миңнеханов.
Татарстан Рәисе әйтүенчә, нәкъ менә әниләрнең зирәклеге, аларның тәрбиясе һәм кайгыртуы аша тел, гореф-гадәтләр һәм рухи-әхлакый кыйммәтләр буыннан-буынга тапшырыла.
«Муниципаль берәмлекләр җитәкчеләренә Әниләр көненә багышланган чараларны лаеклы дәрәҗәдә уздырырга кирәк», – дип йөкләмә бирде республика җитәкчесе.
Ватанны саклаучыларның әниләре һәм хатыннарына, «Ата-ана батырлыгы» ордены, «Ата-ана даны» ордены медале, «Ана даны» медале белән бүләкләнгән хатын-кызларга, шулай ук күп балалы аналарга аеруча зур игътибар биреләчәк, диде республика җитәкчесе.
Рөстәм Миңнеханов бу бәйрәмнең һәркем өчен мөһим булуын искәртте һәм барлык әниләргә сәламәтлек, иминлек һәм гаилә җылылыгы теләде.
Кызыклы яңалыкларны күзәтеп бару өчен Телеграм-каналга язылыгыз