Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Татарстан» радиосы үз тыңлаучыларына «Акбай һәм Тәмлетамак» циклын тәкъдим итә
Спектакльләрне 2, 3, 4, 6 гыйнвар көннәрендә 10.10 һәм 11.25 минутларда тыңларга мөмкин.
(Казан, 31 декабрь, «Татар-информ», Рузилә Мөхәммәтова). Яңа ел ялларында «Татарстан» радиосы аша Туфан Миңнуллинның Акбай маҗараларын тыңларга мөмкин булачак.
«Радиотыңлаучыларыбыз күңеленә хуш килерлек яңалык — Татарстанның халык язучысы Туфан Миңнуллинның Камал театрында куелган „Акбай һәм Тәмлетамак“ циклыннан барлык 4 спектакль эфирга тапшырылачак», дип хәбәр итә радиожурналист Раил Садретдинов.
«Күпме буын татар балалары Акбай маҗаралары белән тәрбияләнде. Быел без бу традицияне яңартып җибәрергә булдык. Спектакльләрне 2, 3, 4, 6 гыйнвар көннәрендә 10.10 һәм 11.25 минутларда тыңларга мөмкин», — ди ул.
«Авыл эте Акбай», «Акбай һәм Кыш бабай», «Акбай, Тәмлетамак һәм эт-бүреләр», «Акбай нигә күңелсез?» спектакльләре 1999 елда Татарстан радиосы студиясендә магнитофон тасмасына язып алынган.
Бәйрәм көннәрендә «Татарстан» радиосының тапшырулар челтәрендә башка әдәби-драматик тапшыруларга, әдәби-музыкаль композицияләргә дә зур урын бирелгән.
Кызыклы яңалыкларны күзәтеп бару өчен Телеграм-каналга язылыгыз