Җәмгыять 21 апрель 2017 16:06

Татарстан Путинның май указларын тормышка ашыру буенча Россия төбәкләре унлыгына керде

Татарстан – "топ-10" исемлегенең алтынчы урынында.

Скопировать ссылку

(Казан, 21 апрель, "Татар-информ"). Татарстан Россия Президенты Владимир Путинның май указларын тормышка ашыру буенча Россия төбәкләре унлыгына керде. Бу хакта "Медиалогия" гаммәви мәгълүмат чаралары өлкәсендә бәйсез Россия тикшеренү компаниясе хәбәр итә.

Оешма Путин тарафыннан 2012 елның маенда имзаланган карарлар пакетын тормышка ашыручы Россия төбәкләре медиарейтингын әзерләп бастырган. Тикшеренүне агымдагы елның мартында оештырганнар.

Татарстан икътисад өлкәсендә үтәлгән май карарлары буенча "топ-10" ил төбәге рейтингының алтынчы урынында. Беренче өчлектә – Дагыстан, Тула һәм Иркутск өлкәсе.

Социаль өлкәдә алдынгылар унлыгына Татарстан кермәгән. Биредә медиарейтинг лидерлары – Дагыстан, Санкт-Петербург һәм Брянск өлкәсе.

Тикшеренүләр өчен нигез итеп, гаммәви мәгълүмат чараларында искә алыну ешлыгы, характеры (уңай, тискәре, нейтраль), чыганакның дәрәҗәсе һәм башка күрсәткечләр алынган.

#Путинның май указлары #рейтинг

Сәхифәләр

Татарстан Путинның май указларын тормышка ашыру буенча Россия төбәкләре унлыгына керде