Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан прокуроры кранчылар забастовкасы турында мәгълүматны тикшерергә кушты
Казанда кранчыларның забастовка әзерләве турында мәгълүмат социаль челтәрләрдә таралды.
(Казан, 24 июль, “Татар-информ”). Татарстан прокуроры Илдус Нәфыйков республикада кранчыларның забастовка әзерләве турындагы мәгълүматны тикшерергә кушты. Бу хакта “Татар-информ”га Татарстан прокурорының өлкән ярдәмчесе Руслан Галиев әйтте.
“Татарстан Республикасы прокуратурасы бу мәгълүматны хезмәт законнарын бозу факты буенча тикшерәчәк. Тиешле йөкләмәне күзәтчелек органы башлыгы Илдус Нәфыйков бирде. Хокук бозулар ачыкланган очракта, прокурор чаралары күреләчәк”, - диде Руслан Галиев.
Алдарак социаль челтәрләрдә 24 июльдә Казанда кранчылар забастовка башларга мөмкин дигән хәбәр таралган иде. Профсоюзлар исемлегендә якынча тугыз пункт бар: хезмәт хакын арттыру, эшчеләрнең гомерен һәм сәламәтлеген иминиятләштерү, хезмәт законнарын үтәү һәм башка таләпләр күрсәтелгән.
Кызыклы яңалыкларны күзәтеп бару өчен Телеграм-каналга язылыгыз