Татарстан прокуроры Илдус Нәфыйковка Мактау ордены тапшырылды
Мәскәүдә Россия прокуратурасы органнары оешуга 296 ел тулуга багышланган утырыш узды.
Скопировать ссылку
(Казан, 12 гыйнвар, «Татар-информ»). Россия Федерациясе Президенты Владимир Путин боерыгы белән закончалыкны ныгыту, гражданнарның хокукларын һәм мәнфәгатьләрен яклау, күпьеллык намуслы хезмәте өчен Татарстан прокуроры Мактау ордены белән бүләкләнде, дип хәбәр итте ТР прокурорының өлкән ярдәмчесе Руслан Галиев.
Бүген РФ Генпрокуратурасында тантаналы утырышта РФ Президенты Администрациясе җитәкчесе Антон Вайно республика прокуроры Илдус Нәфыйковка Мактау орденын тапшырды.
