Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан прокуратурасы Социаль иминият фондының эшендә хилафлыклар тапкан
Тикшерү нәтиҗәләре буенча, күзәтү ведомствосы Социаль иминият фондының төбәк бүлеге җитәкчесенә ачыкланган хилафлыкларны бетерергә йөкләмә биргән.
(Казан, 26 июль, «Татар-информ»). Татарстан прокуратурасы инвалидларны социаль яклау турында законнарның үтәлеше мәсьәләсендә Россия Социаль иминият фондының Татарстан буенча төбәк бүлеге эшендә кайбер хилафлыклар тапкан. Бу хакта Татарстан прокурорының өлкән ярдәмчесе Руслан Галиев хәбәр итте.
«Тикшерү барышында инвалидларны техник тернәкләндерү чаралары белән тәэмин итү буенча дәүләт килешүләрен үз вакытында төземәүгә бәйле фактлар ачыкланган», - дип искәртте Руслан Галиев.
Прокуратура шулай ук фонд хезмәткәрләренең килешүләр буенча йөкләмәләрнең үтәлешен күзәтмәвен ачыклаган. Әйтик, сатып алу буенча килешүләр соңарып төзелгән, бу закон бозу санала. Шуның нәтиҗәсендә сатуларның беренчел нәтиҗәләре монополиягә каршы хезмәт тарафыннан кире кагылган һәм аларны яңадан үткәрергә туры килгән.
Тикшерү нәтиҗәләре буенча күзәтү ведомствосы Социаль иминият фондының төбәк бүлеге җитәкчесенә ачыкланган хилафлыкларны бетерергә һәм вазифаи затларны дисциплинар җаваплылыкка тартырга йөкләмә биргән.
Кызыклы яңалыкларны күзәтеп бару өчен Телеграм-каналга язылыгыз