Татарстан прокуратурасы пенсионеры Нэля Жоголева 76 яшендә вафат булды
Татарстан Республикасы прокуратурасы пенсионеры Нэля Жоголева кичә 76 яшендә вафат булды. Бу хакта ТР прокуратурасының матбугат хезмәте хәбәр итә.
Нэля Жоголева озак еллар прокуратура органнарында эшләгән, Чаллы шәһәр прокуратурасы, Чаллының Автозавод районы прокуратурасы, Казан транспорт прокуратурасы тикшерүчесе вазифасында җинаять эшләрен тикшергән. Ул Идел буе транспорт прокуратурасы Татар транспорт прокурорының өлкән ярдәмчесе һәм ярдәмчесе булган.
Күпьеллык мактаулы хезмәте өчен берничә тапкыр республика прокуратурасы һәм Идел буе транспорт прокуратурасы җитәкчелеге тарафыннан бүләкләнгән.
Нэля Жоголева белән хушлашу чарасы иртәгә, 12 июньдә, 11.00 сәгатьтә Казанның Арча зиратындагы чиркәү янында була.