Хәвеф-хәтәр 27 ноябрь 2018 18:14

Татарстан приставлары бурычлары 850 меңнән арткан алимент түләмәүчеләрне тоткан

Минзәлә районы һәм Чаллы приставлары алимент түләүдә бурычлары булган кешеләрне эзләү буенча рейдка чыккан.

Скопировать ссылку

(Казан, 27 ноябрь, “Татар-информ”). Татарстан приставлары бурычлары 850 меңнән арткан алимент түләмәүче дүрт кешене тоткан. Бу хакта массакүләм-мәгълүмат чаралары белән эшләүче баш белгеч-эксперт Лилия Хәлимова хәбәр итте.

Алимент түләүдән качкан кешеләрнең берсен Чаллыда, икенчесен Түбән Камада тапканнар. Аларның балаларын тәрбияләүгә бирелергә тиешле 80 меңнән артык бурычы бар.

Минзәлә районында приставлар тагын ике бурычлы кешене тота алган. Аларның берсе мунчага кереп качарга тырышса да, бу шөгыле уңышсыз булган. Аларның алимент түләүдәге бурычлары 300 һәм 400 мең сумнан артып киткән.

Соңгы икесен “Балаларны яки эшкә яраклы булмаган ата-аналарын карауга акча түләмәү” маддәсе нигезендә административ җаваплылыкка тартканнар.

Хокук бозучыларны 50 һәм 70 сәгатьлек мәҗбүри эшкә озатканнар.

#приставлар #алимент

Сәхифәләр

Татарстан приставлары бурычлары 850 меңнән арткан алимент түләмәүчеләрне тоткан