Татарстан Президентының авиакомплекс буенча яңа ярдәмчесе барлыкка килде
Әлеге вазифаны бүгенгә кадәр ТР вице-премьеры - ТР сәнәгать һәм сәүдә министры булган Равил Зарипов биләде
(Казан, 23 ноябрь, «Татар-информ»). Татарстан Президентының авиакомплекс буенча яңа ярдәмчесе барлыкка килде. "Татар-информ"га билгеле булганча, әлеге вазифаны бүгенгә кадәр ТР вице-премьеры - ТР сәнәгать һәм сәүдә министры булган Равил Зарипов биләде.
Рөстәм Миңнеханов шул хактагы карарны имзалаган.
Бу авиатармакта кайбер проектларны тормышка ашыруның әһәмияте белән бәйле.
Искәртеп узабыз: Равил Зарипов 2009 елның мартыннан сәнәгать һәм сәүдә министры булып эшләде.