Татарстан Президенты Зәй балаларына махсус стипендия тапшырды
Махсус бүләккә аерым башкаручы Александра Шишмагаева, “Азаль” һәм “Мирас” вокаль-хореография ансамбльләре солистлары ия булды.
(Зәй, 3 июнь, "Татар-информ", "Зәй офыклары", Энҗе Әгъләмова). Халыкара балаларны яклау көнендә традиция буенча Татарстан Президенты Рөстәм Миңнеханов Казан Кремлендә "Созвездие-Йолдызлык-2019" республика эстрада сәнгате яшьләр фестивале җиңүчеләрен бүләкләгән. Алар арасында Зәй районы укучылары да бар. Бу турыда җирле басма хәбәр итә.
Президент аерым башкаручы Александра Шишмагаева, “Азаль” һәм “Мирас” вокаль-хореография ансамбльләре солистларына махсус бүләк тапшырды. Әлеге иҗат төркемнәре һәм Александра Татарстанның атказанган мәдәният хезмәткәре Әлфия Вәлиуллина кул астында шөгыльләнәләр.