Рәсми Татарстан 8 сентябрь 2017 15:45

Татарстан Президенты Рөстәм Миңнеханов эш сәфәре белән Кукмарага килде

Республика башлыгы районның басу-кырлары белән танышты, җитәкчеләр белән очрашты, яңа төзелгән Кукмара балалар иҗат академиясендә булды.

Скопировать ссылку

(Кукмара, 8 сентябрь,, "Татар-информ", "Хезмәт даны"). Бүген Татарстан Президенты Рөстәм Миңнеханов эш сәфәре белән Кукмарага килде, дип яза kukmor-rt.ru сайты.

Президент иң элек вертолеттан районыбызның басу-кырлары белән танышты. Аны республика авыл хуҗалыгы һәм азык-төлек министры Марат Әхмәтов, район башлыгы Сергей Димитриев озатып йөрде. Шулай ук Рөстәм Миңнеханов хуҗалык, оешма-предприятие җитәкчеләре, авыл җирлеге башлыклары белән дә очрашып сөйләште, авыл хуҗалыгы продукцияләреннән әзерләнгән күргәзмәне карады.

Республика башлыгының эш визиты яңа төзелгән Кукмара балалар иҗат академиясендә дәвам итте.

- Без балаларыбызга белем генә түгел, ә һөнәр дә бирергә тиеш. Мондый үзәкләр республикада күп ачыла. Биредә сез дә бик күп төрле һөнәрләргә өйрәнәчәксез. Бу бина сезгә бик кирәк иде. Чын күңелемнән котлыйм, - дип, үзенең тәбрикләү сүзләрен җиткерде Рөстәм Миңнеханов.

Иҗат академиясенең директоры Сергей Исаевка Президент 100 мең сумлык сертификат тапшырды.

#Кукмара #Хезмәт даны

Сәхифәләр

Татарстан Президенты Рөстәм Миңнеханов эш сәфәре белән Кукмарага килде