Җәмгыять 29 август 2018 18:10

Татарстан Президенты премиясенә гаризалар кабул итү дәвам итә

Конкурска гаризалар 20 августта кабул ителә башлады һәм 13 сентябрьгә кадәр Татарстан Республикасы Иҗтимагый палатасы аппаратында узачак.

Скопировать ссылку

(Казан, 29 август, “Татар-информ”). Татарстан Президентының “Гражданлык җәмгыятендә институтлар үсешенә өлеш керткән өчен” премиясенә гаризалар кабул итү дәвам итә. Бу хакта “Татмедиа” Республика матбугат һәм массакүләм коммуникацияләр агентлыгының матбугат хезмәтләре һәм җәмәгатьчелек белән эшләү бүлеге җиткерә.

Премия социаль юнәлештә эш алып баучы коммерцияле булмаган оешмаларга җәмәгатьчелек таныган эшчәнлек һәм проектлар, шулай ук гражданлык җәмгыяте өлкәсендә фәнни тикшеренүләр, профессиональ осталык өчен бирелә.

Россия гражданнары Татарстанда гражданлык җәмгыятьләрен үстерүгә күпьеллык шәхсән өлеш керткән өчен премиягә ия булачак.

Конкурска гаризалар 20 августта кабул ителә башлады һәм 13 сентябрьгә кадәр дәвам итәчәк. Гаризалар Татарстан Республикасы Иҗтимагый палатасы аппаратында (Батурин урамы, 7) эш көннәрендә 9-18 сәгатьләрдә кабул ителә.

Конкурс турында тулырак мәгълүматны oprt.tatar сайтында яки 8 (843) 567-80-95, 567-80-99 телефоннары буенча белергә мөмкин.

#премия #Татарстан Президенты премиясе

Сәхифәләр

Татарстан Президенты премиясенә гаризалар кабул итү дәвам итә