Рәсми Татарстан 26 ноябрь 2018 07:14

Татарстан Президенты Лондонга эшлекле сәфәргә килде

Р.Миңнеханов Бөек Британиядәге татар җәмәгатьчелеге белән очрашыр, IV "Россия-Британия" бизнес форумының пленар киңәшмәсендә чыгыш ясар дип көтелә.

Скопировать ссылку

(Казан, 26 ноябрь, "Татар-информ"). Татарстан Президенты Рөстәм Миңнеханов эшлекле сәфәр белән Лондонга килде. Биредә ул Британия бизнес-җәмәгатьчелеген Татарстанның инвестицион потенциалы белән таныштырачак. Бу турыда Татарстан Президенты матбугат хезмәте хәбәр итте.

Эшлекле сәфәр кысаларында Рөстәм Миңнеханов Бөек Британиядәге татар җәмәгатьчелеге белән очрашачак, IV "Россия-Британия" бизнес форумының пленар киңәшмәсендә чыгыш ясаячак, диелгән әлеге хәбәрдә.

Шулай Татарстан Президенты National Geographic Partners холдингы вәкилләре белән очрашып, туристлык өлкәсендә хезмәттәшлек турында фикер алышачак.

Моннан тыш, Рөстәм Миңнеханов Бөек Британиядә авыл хуҗалыгы техникасы, туризм, инновацион технологияләр, агросәнәгать комплексы һ.б. өлкәләрдә эшләүче төрле компанияләрнең җитәкчеләре белән сөйләшәчәк.

#Рөстәм Миңнеханов #лондон

Сәхифәләр

Татарстан Президенты Лондонга эшлекле сәфәргә килде