Татарстан Президенты Краснодар краенда су басу сәбәпле кайгы уртаклаша
Краснодар краенда су басу аркасында алты кешенең гомере өзелгән.
Скопировать ссылку
(Казан, 26 октябрь, «Татар-информ»). Бүген Татарстан Президенты Рөстәм Миңнеханов су басу аркасында кешеләр үлү сәбәпле, Краснодар крае губернаторы Вениамин Кондратьевка кайгы уртаклашу телеграммасы юллаган.
«Татарстанлылар, шәхсән үз исемемнән Краснодар краенда кешеләр үлеменә һәм җимерүләргә китергән су басу белән бәйле кайгыгызны уртаклашабыз. Һәлакәт нәтиҗәләрен тизрәк бетерү өчен, төбәктә яшәүчеләргә нык һәм бердәм булуларын телибез», — диелгән телеграммада.
Краснодар краенда көчле яңгырлар яву сәбәпле, 30 кеше зыян күргән һәм 6 кеше һәлак булган.