Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Президенты «Кнорр-Бремзе АГ» компаниясенең күзәтчелек советы рәисе белән очрашты
Очрашу Татарстан Республикасы Хөкүмәте йортында узды
(Казан, 29 октябрь, "Татар-информ"). Бүген Татарстан Республикасы Президенты Рөстәм Миңнеханов «Кнорр-Бремзе АГ» компаниясенең күзәтчелек советы рәисе Хайнц Герман Тиле белән очрашты. ТР Хөкүмәте йортында узган очрашуда шулай ук “КАМАЗ” ААҖ генераль директоры Сергей Когогин катнашты.
«Кнорр Бремзе» Германия компаниясе – йөк машиналары һәм тимер юл транспорты өчен тормоз системаларын җитештерүдә дөнья лидерларының берсе. Татарстанда компаниянең “КАМАЗ” белән Чаллы йөк машиналары өчен тормоз системаларын җитештерүче уртак предприятиесе бар.
Бүгенге очрашу барышында Рөстәм Миңнеханов һәм Хайнц Герман Тиле «Кнорр Бремзе Кама» уртак предприятие эшенең агымдагы мәсьәләләре һәм Татарстанда компания эшчәнлегенең перспективалары турында сөйләштеләр.
ТР Президенты матбугат хезмәте шул хакта хәбәр итә.
Фотосурәт http://prav.tatarstan.ru сайтыннан алынды.
Кызыклы яңалыкларны күзәтеп бару өчен Телеграм-каналга язылыгыз