Татарстан Президенты “Казан” ат спорты комплексында булачак
Татарстан Республикасы һәм Казан шәһәре көне уңаеннан ипподромда Татарстан Президенты Кубогы уйнатылачак.
Скопировать ссылку
(Казан, 30 август, “Татар-информ”). Татарстан Президенты Рөстәм Миңнеханов халыкара “Казан” ат спорты комплексында бүген узачак ат спорты бәйрәмендә катнашачак. Бу хакта Татарстан Хөкүмәте рәсми порталында хәбәр ителә.
Программада барлыгы - 15, шул исәптән Татарстан Президенты Кубогына һәм Казан мэриясе Призына узышлар була.
Ярышларга старт 14 сәгать 30 минутта биреләчәк. Йомгаклау 19.00 сәгатькә планлаштырылган.
Бүләкләү тантанасыннан соң бәйрәм салюты булачак.
Керү ирекле.