Татарстан Президенты Казахстанда булган фаҗига белән бәйле кайгы уртаклашу белдерде
“Ярдәм кирәк булса, без аны күрсәтергә әзер”, - диде Рөстәм Миңнеханов.
Скопировать ссылку
(Казан, 18 гыйнвар, “Татар-информ”, Алия Җамалиева). Татарстан Президенты Рөстәм Миңнеханов Казахстанда булган фаҗига белән бәйле кайгы уртаклашу белдерде.
“Ярдәм кирәк булса, без аны күрсәтергә әзер”, - диде Рөстәм Миңнеханов өлкә хакиме Крымбек Кушербаев җитәкчелегендәге Казахстан Республикасы Кызылорда өлкәсе делегация белән очрашуда.
Исегезгә төшерәбез: Казахстанның Актүбә өлкәсе Иргиз районында автобус яну аркасында 52 кеше һәлак булган. Автобуста барлыгы 57 кеше булган, бишесе исән калган.
