Татарстан Президенты Изге Болгар җыенында катнашачак
Рөстәм Миңнеханов 15 июньдә Болгар шәһәрендә узачак Идел буе Болгар дәүләтендә ислам динен кабул итүгә багышланган бәйрәмгә барачак.
Скопировать ссылку
(Казан, 13 июнь, «Татар-информ», Динара Прокопьева). Татарстан Президенты Рөстәм Миңнеханов 15 июньдә Изге Болгар җыенында катнашачак. Бу хакта Татарстан Министрлар Кабинетында узган брифингта Казан Кремленең рәсми вәкиле Лилия Галимова хәбәр итте.
«Президент Изге Болгар җыенында катнашырга ниятли. Анда, мәйданчыкта, аның чаралары иртәнге 8 сәгатьтә башлана. 12 сәгатькә кадәр Рөстәм Нургалиевич берничә очрашу уздыра, шул исәптән кунаклар белән дә», — диде Галимова.
- Изге Болгар җыены - Идел буе Болгар дәүләтендә ислам динен кабул итү хөрмәтенә бәйрәм. Быел ул 15 июньдә Болгар шәһәрендә узачак.