Икътисад 2 сентябрь 2014 17:36

Татарстан Президенты "IPG Photonics" башлыгы белән ике яклы хезмәттәшлекне үстерү перспективалары буенча фикер алышты

КАИ-Лазер» инжиниринг үзәге кебек республика өчен әһәмиятле проектларны гамәлгә ашыруда катнашуы өчен, Миңнеханов Гапонцевка рәхмәт белдерде

Скопировать ссылку

(Казан, 2 сентябрь, «Татар-информ»). Бүген Татарстан Республикасы Президенты Рөстәм Миңнеханов Россия галиме, "IPG Photonics" компаниясенә нигез салучы һәм аның Директорлар советы рәисе Валентин Гапонцев белән очрашты. КНИТУ-КАИның яңа ачылган 8нче уку бинасында узган бу очрашуда шулай ук Татарстан Республикасы Президентының икътисадый мәсьәләләр буенча киңәшчесе Айрат Хәйруллин, Татарстан икътисад министры Мидхәт Шаһиәхмәтов, КНИТУ-КАИ ректоры Альберт Гыйльметдинов та катнашты.

Валентин Гапонцевны сәламләп, Рөстәм Миңнеханов аңа Казанга визиты һәм «КАИ-Лазер» инжиниринг үзәге кебек республика өчен әһәмиятле проектларны гамәлгә ашыруда катнашуы өчен рәхмәт белдерде. «Эшләгән эшләр аз түгел, әмма тагын да күбрәк эшлисе килә», - диде Р.Миңнеханов.

Яклар Татарстан белән "IPG Photonics" арасындагы хезмәттәшлекне, шул исәптән компания белән КНИТУ-КАИ арасындагы хезмәттәшлекне үстерү перспективалары, буенча фикер алыштылар.

Бу хакта ТР Президенты матбугат хезмәте хәбәр итә.

Сәхифәләр

Татарстан Президенты "IPG Photonics" башлыгы белән ике яклы хезмәттәшлекне үстерү перспективалары буенча фикер алышты