Рәсми Татарстан 15 гыйнвар 2022 12:53

Татарстан Президенты Хач ману көнендә суга керү өчен барлык шартларны тудырырга кушты

19 гыйнварда православие вәкилләре төп бәйрәмнәрнең берсе — Хач мануны билгеләп үтә.

Скопировать ссылку

(Казан, 15 гыйнвар, «Татар-информ»). Татарстанда Хач ману көннәрендә су керү өчен барлык шартлар да тудырылачак. Бүген Татарстан Республикасы Президенты Рөстәм Миңнеханов республика Хөкүмәте Йортында узган шимбә киңәшмәсендә шундый йөкләмә бирде.

Киңәшмә барлык муниципаль районнар белән видеоконференцэлемтә режимында узды. Рөстәм Миңнеханов искәрткәнчә, гадәттәгечә, ачык сулыкларда суга керү өч көн дәвам итә һәм 19 гыйнварда православие вәкилләре төп бәйрәмнәрнең берсе — Хач мануны билгеләп үтә. Бу хакта Татарстан Президентының матбугат хезмәте хәбәр итә.

«Купельләр ясау һәм барлык иминлек чараларын үтәү мөһим. Бу көннәрдә бәкегә чумарга теләүчеләргә уңайлы, ә иң мөһиме — имин шартлар булырга тиеш, диде ул. Рөстәм Миңнеханов искәрткәнчә, республикада Хач ману бәйрәмендә суга чуму һәрвакыт югары дәрәҗәдә оештырыла.

Татарстанда Хач ману көннәрендә су керү өчен барлык урыннарны Гадәттән тыш хәлләр министрлыгы хезмәткәрләре карап чыгачак. Алар полиция хезмәткәре, табиб һәм Кече суднолар буенча дәүләт инспекциясе инспекторлары белән бергә кешеләрнең иминлеген тәэмин итә.

Моннан тыш, Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә иордань янында чиратта 1,5 метрдан 2 метрга кадәр дистанцияне сакларга кирәклеген искә төшерәләр.

Гадәттән тыш хәлләр министрлыгында су керү оештырылачак урыннар исемлеген тәкъдим иттеләр. Казанда яшәүчеләр Хач ману бәйрәмендә Идел ярында Красная Горка бистәсендә Никольский чиркәве янында, шулай ук Югары Кабан күлендә (Борисково бистәсендә Борисково урамындагы 54нче йорт янында яки Тынычлык бистәсендә 8нче Дәүләки урамындагы «Сокол» кафесы янында) суга чума ала.

#Рөстәм Миңнеханов #Хач ману

Сәхифәләр

Татарстан Президенты Хач ману көнендә суга керү өчен барлык шартларны тудырырга кушты