Татарстан Президенты хәрби хезмәткә китүчеләрнең эш урынын саклау бурычын куйган
Хәрби бурычын үтәргә киткән егетләрнең эш урыны бары тик дәүләт оешмаларында гына сакланып калачак.
(Казан, 1 октябрь, “Татар-информ", Ләйлә Хәкимова). Татарстан Президенты Рөстәм Миңнеханов Татарстаннан хәрби хезмәткә алынган солдатларның эш урынын саклау бурычын куйган. Хәрби бурычын үтәргә киткән егетләрнең эш урыны бары тик дәүләт оешмаларында гына сакланып калачак. Бу хакта бүген “Татар-информ» мәгълүмат агентлыгында узган матбугат конференциясендә ТР хәрби комиссары Сергей Погодин хәбәр итте.
“Армиягә кадәр предприятиеләрдә, заводларда һәм оешмаларда эшләгән хәрби хезмәткә чакырылучыларның эш урыннарын саклау мәсьәләсе Татарстан Республикасы Президенты киңәшмәсендә каралды. “1998 елның 23 76-ФЗ номерлы хәрби” хезмәткәрләр статусы турында " гы Федераль законның 23 статьясы нигезендә, дәүләт оешмаларында эшләүче кеше хәрби хезмәттән кайтканнан соң шул ук оешмага эшкә урнашырга хокуклы. Хәрби хезмәткә һәм альтернатив гражданнар хезмәтенә алынган егетләр армиядә чакта, хәрби хезмәттән кайткач та өч ай дәвамында аларның эш урыны саклана. Без бу мәсьәләне бер ай ярым элек Президент белән булган киңәшмәләрнең берсендә кузгаттык. Рөстәм Миңнеханов әлеге эшкә бик җаваплы карый, ул хәрби хезмәткә алынган солдатларның эш урынын саклап калу бурычын куйды. Армиядә хезмәт иткән һәр солдат үзенең эш урынына кире әйләнеп кайта алсын өчен тиешле чаралар күреләчәк", - диде Погодин.
Татарстан хәрби комиссары әйтүенчә, хәзерге вакытта Татарстанда армиягә чакырылганчы эшкә урнашучылар категориясенә 1427 кеше керә. Шуларның 107се армия хезмәтенә кадәр федераль муниципаль хезмәт хезмәткәрләре булган, 1320се бизнес өлкәсендә эшкә урнаштырылган.