Икътисад 28 февраль 2017 20:42

Татарстан Президенты бюджетара сәясәт сорауларын караган очрашуда катнашты

Россия Федерациясе Хөкүмәт рәисе Дмитрий Медведевның ил субъект башлыклары белән очрашуы Сочи шәһәрендә узды.

Скопировать ссылку

(Казан, 28 февраль, "Татар-информ"). Россия ФедерациясеХөкүмәт рәисе Дмитрий Медведевның ил субъект башлыклары белән очрашуы Сочи шәһәрендә узды. Әлеге чарада Татарстан Республикасы Президенты Рөстәм Миңнеханов та катнашты, дип хәбәр итә Татарстан Президетының матбугат үзәге.

Кереш сүздә Дмитрий Медведев, очрашуның төбәк җитәкчеләре катнашында үтүе аларны иң күп борчыган теманы карау максатыннан, дип белдерде. Ягъни биредә төбәк башлыклары финанс, бюджетара мөнәсәбәтләрне камилләштерү мәсьәләләрен карый.

"Территорияләребез күп төрле, финанс һәм бюджет белән тәэмин ителү темасы бөтен регионнарга да кагыла. Гомумән, кыенлыклар белән барлык төбәкләр дә очраша, – дип белдерде Россия Хөкүмәте җитәкчесе.

“Киләсе елдан регионнар бюджетына табышка салымны арттыру планлаштырыла. Бу очракта нинди механизм куллансаң кулайрак булуын төбәк башлыклары башлыклары һәм финанс министры әйтергә тиеш”, – дип йөкләмә бирде Медведев.

“Әлбәттә, без яхшы нәтиҗәләргә ирешкәннәрне кызыксындыруны дәвам итәчәкбез. Узган елдан башлап икъсади үсештә югары күрсәткечләргә ирешкән һәм шәхси инвестицияләр җәлеп иткән төбәкләргә грантлар бүлеп бирәбез. Шәхси инвестицияләр җәлеп итү безнең эшебездә мөһим күрсәткечләрдән санала. Гомумән, бу максатларга агымдагы елда 20 млрд. сум акча бүленәчәк, – дип хәбәр итте Дмитрий Медведев.

#Дмитрий Медведев #Рөстәм Миңнеханов

Сәхифәләр

Татарстан Президенты бюджетара сәясәт сорауларын караган очрашуда катнашты