Татарстан Президенты «Беренче резинотехника заводы» башлыгы белән фикер алышты
Үзбәкстанның «Ангрен» ирекле икътисади зонасында урнашкан резинотехник эшләнмәләр заводы «Татнефть» шиналар комплексының бер өлеше булырга тиеш.
(Казан, 27 февраль, «Татар-информ»). Татарстан Президенты Рөстәм Миңнеханов Үзбәкстанда урнашкан «Ангрен» ирекле икътисади зонасы территориясендә урнашкан «Беренче резинотехника заводы» резинотехник эшләнмәләр заводы директоры Гуломжон Ибраһимов белән хезмәттәшлек мәсьәләләре турында сөйләште. Бу хакта республика җитәкчесенең матбугат хезмәте хәбәр итә.
Татарстан Хөкүмәте Йортында узган очрашу барышында «төрле өлкәләрдә үзара файдалы хезмәттәшлек мәсьәләләре турында фикер алыштылар, башка актуаль темалар да күтәрелде».
Очрашуда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов та катнашты, дип билгеләп үтәләр матбугат хезмәтендә.
«Татар-информ» элек хәбәр иткәнчә, «Татнефть» ГАҖ һәм «Узкимесаноат» АҖ «Беренче резинотехника заводы» базасында уртак предприятие төзү турында килешүгә кул куйдылар. Килешү тәмамланганнан соң акцияләрнең 51 проценты күләмендә уртак предприятие контроль пакеты Татарстан компаниясенә тапшырылачак, ә завод үзе «Татнефть» шин комплексына кертеләчәк.
Предприятие BARS бренды белән автомобиль һәм авыл хуҗалыгы шиналары чыгара. «БРЗ» - Үзбәкстанның дәүләт заказчылары өчен шина белән бердәм тәэмин итүче булып тора.