Татарстан Россия – АСЕАН форумында логистик мөмкинлекләрен тәкъдим итте
Бүген ТР транспорт һәм юл хуҗалыгы министры Фәрит Хәнифов Казанда Россия – АСЕАН эшлекле форумы сессиясендә Татарстан инфраструктурасының транспорт- логистика мөмкинлекләрен тәкъдим итте.
«Татарстан Россиядә уникаль урын били. Соңгы елларда республика төньяк-көньяк, көнбатыш-көнчыгыш векторына юнәлеш алды», - диде ул.
Хәнифов кунакларга Татарстанның уникаль урында урнашуы турында сөйләде, биредә Россиянең ике зур елгасы – Идел һәм Кама очраша. Россия төбәкләре һәм чит илләр арасында логистик чылбыр төзелгән.
«Безнең логистика нәтиҗәле эшләсен өчен зур логистик комплекслар булдырылды», – диде Хәнифов.
Хәнифов форумда катнашучыларга Татарстанны логистик хаб буларак кулланырга тәкъдим итте. Башка дәлилләр сыйфатында ул республика периметры буйлап - тимер юллар, республика аша зур федераль автотрассалар (М-12, М-7, М-5) узуын билгеләп үтте.
«Зөя мультимодаль комплексы - заманча территория, резидентлар мәйданчыкларны актив рәвештә били, сезне резидент булырга чакырабыз», - диде Хәнифов.
Республикада ике зур халыкара аэропорт бар, Татарстан аша зур магистраль нефть һәм газүткәргечләр уза.