Татарстан предприятиеләре Менделеевскида узачак «Геройлар узышы»нда катнашачак
25 июльдә Менделеевскида бишенче тапкыр «Геройлар узышы» үткәреләчәк. Чара кысаларында республика предприятиеләре арасында каршылыклар белән узыш буенча корпоратив чемпионат оештырыла. Узышта бер компания хезмәткәрләреннән тупланган командалар катнаша ала.
Быел оештыручылар «таңнан кояш баеганчыга кадәр» концепциясен сайлаган: узыш иртән иртүк башланачак һәм кич белән тәмамланачак.
«Аммоний» предприятиесенең генераль директоры урынбасары Юрий Разбежкин сүзләренчә, чемпионатның приз фонды 300 мең сум тәшкил итә: беренче урын өчен 150 мең сум, икенче урын өчен 100 мең сум, өченче урын өчен 50 мең сум каралган. Ул ел саен ярышларда республиканың зур предприятиеләреннән командалар катнаша, дип билгеләп үтте.
Корпоратив чемпионатта катнашучылар өчен аерым нигезләмә әзерләнгән. Командаларны сылтама аша теркәргә кирәк.
Менделеевск районы башлыгы Роберт Искәндәров хәбәр иткәнчә, быел язын шәһәрдә 100 метрлы полосада каршылыклар белән узыш буенча кубок узган. Аның сүзләренчә, мәйданчыкта спортчылар да, балалар да шөгыльләнә.
«Геройлар узышы»нда балалар өчен дә аерым каршылыклар полосасы оештырылачак. Шулай ук чара кысаларында костюмлы командалар конкурсы да үткәреләчәк: трассаны үзенчәлекле образларда үткән иң яхшы команда 50 мең сум күләмендә махсус приз алачак.
Фото: ТР Менделеевск районы матбугат хезмәте.