Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан предприятиеләре цифрлы технологияләрне үстерүгә ярдәм алачак
Конкурслы сайлап алуны Сәнәгать һәм сәүдә министрлыгы августта ук үткәрәчәк.
(Казан, 29 июнь, "Татар-информ"). Татарстан предприятиеләре «Россия Федерациясенең цифрлы икътисады» милли программасы кысаларында цифрлы платформалар һәм программа продуктларын эшләү чыгымнарының бер өлешен каплау өчен федераль бюджеттан субсидияләрне ала алачак. Бу турыда ТР Мәгълүматлаштыру һәм элемтә министрлыгы матбугат хезмәте хәбәр итте.
НИОКР һәм технологик эшләр башкару срогы 2 елдан артмаган, аларны үти башлаганга 1 елдан да күбрәк вакыт узмаган очракта, субсидия алу өчен гариза язарга була. Субсидия югары технологияле сәнәгать продукциясе җитештерүне булдыру һәм үстерү өчен бирелә. Ул оешманың санлы платформаларын һәм программа продуктларын эшләүгә тотылган һәм документаль расланган чыгымнарының 50 проценты күләмендә була.
Әлеге механизм субтехнологияләр белән бәйле цифрлы платформалар һәм программа продуктларын эшләү һәм гамәлгә кертүгә Россия оешмаларын стимуллаштыруга юнәлдерелгән. Алар арасында яңа җитештерү технологияләре, робототехника һәм сенсорика компонентлары, нейротехнология һәм ясалма интеллект, чыбыксыз элемтә технологияләре, бүленгән реестр системалары, виртуаль һәм тулыландырылган чынбарлык технологияләре, квант технологияләре бар.
Россия Федерациясе Сәнәгать һәм сәүдә министрлыгы конкурслы сайлап алуны августта ук үткәрәчәк.
Кызыклы яңалыкларны күзәтеп бару өчен Телеграм-каналга язылыгыз