Татарстан планлаштырылган бюджетара трансфертларның яртысыннан артыгын алган
Скопировать ссылку
Агымдагы елның 1 июненә Татарстан бюджетына федераль бюджеттан 52,4 миллиард сум күләмендә бюджетара трансфертлар кертелгәң – бу хәзерге вакытка планлаштырылган 93,6 миллиард сумның яртысыннан артыгы. Бу хакта ТР Финанс министрлыгының матбугат хезмәте хәбәр итә.
Республика бюджеты 45,4 миллиард сум субсидияләр, 4,3 миллиард сум субвенцияләр, 2,5 миллиард сум башка бюджетара трансфертлар һәм федераль фондлардан 245 миллион сум акча алган.
«Кергән федераль акчалар билгеләнгән максатларга чыгымнарны финанслауга юнәлтелгән», — дип аңлаттылар республиканың профильле ведомствосында.