Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татарстан педагогы "Россиянең ел тәрбиячесе-2014" Бөтенроссия конкурсы лауреаты булды
Абсолют җиңүче дип Ленинград өлкәсенең Всеволожск шәһәреннән балалар бакчасы музыка җитәкчесе Юлия Загорская табылды
(Казан, 17 ноябрь, «Татар-информ»). 14 ноябрьдә Мәскәүдә "Россиянең ел тәрбиячесе-2014" Бөтенроссия һөнәри осталык конкурсына нәтиҗәләр чыгарылды һәм лауреатларның исемнәре аталды.
Конкурс үткәрелә башлаганнан беренче тапкыр 10 лауреат арасына Казанның 151нче балалар бакчасы укытучы-логопеды Виолетта Тарасова керде. Ул конкурсның төбәк этабы җиңүчеләре - 61 тәрбияче арасында конкурс сынауларында югары нәтиҗәләргә иреште. Абсолют җиңүче дип Ленинград өлкәсенең Всеволожск шәһәреннән балалар бакчасы музыка җитәкчесе Юлия Загорская табылды.
ТР Мәгариф һәм фән министрлыгы сайтында хәбәр ителгәнчә, Татарстан тәрбиячесе Мәскәү, Краснодар һәм Красноярск крайлары, Курган, Ленинград, Белгород, Кемерово, Чиләбе өлкәләре һәм Ямал-Ненец автономияле округыннан килгән хезмәттәшләре белән бергә финалга чыккан. Ул барлык конкурс чараларында үзенең һөнәри осталыгының югары дәрәҗәсен күрсәткән.
Конкурс сынауларының соңгы көнендә Татарстан педагогы мастер-класс вакытында сөйләм телен үстерүнең гадәти булмаган технологияләре белән уртаклашкан. Ул үзенең эшендә дидактик синквейннарны (5 юллы шигъри формалар - Т-И искәрмәсе) ничек файдалануы хакында сөйләгән.
Нәтиҗәләр ясалган көнне "Россиянең ел тәрбиячесе-2014" Бөтенроссия конкурсы финалчылары өчен SMS-тавыш бирүләр дә гамәлдә булган.
Кызыклы яңалыкларны күзәтеп бару өчен Телеграм-каналга язылыгыз