Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан парламенты Икътисад, инвестицияләр һәм эшкуарлык комитетының яңа рәисе билгеле
Рафис Борһановны моңарчы комитетның рәисе урынбасары булган Марат Галиев алмаштырды.
(Казан, 21 декабрь, “Татар-информ”, Гөлнар Гарифуллина). Марат Галиев Татарстан парламентының Икътисад, инвестицияләр һәм эшкуарлык комитеты рәисе итеп билгеләнде. Бу хакта әле генә бишенче чакырылыш Татарстан Республикасы Дәүләт Советының 34 нче утырышында билгеле булды. Тәнәфес вакытында комитет кыска гына утырыш уздырып, шундый карарга килгән.
Марат Галиев кандидатурасы депутатлар тарафыннан бертавыштан хупланды. Моңарчы ул шушы ук комитет рәисенең урынбасары иде. Фәрит Мөхәммәтшин Марат Галиевны тәбрикләп: “Котлыйм! Сезнең өчен бу яңа эш түгел. Бу комитетның дәрәҗәсен тагы да күтәрергә язсын”, - дигән теләктә калды.
Искәртеп үтик, Марат Галиевка кадәр 2014 елның сентябреннән 2017 елның декабрь башына кадәр комитет Рафис Борһанов рәислегендә эшләде. 2017 елның 4 декабрендә ул Премьер-министр урынбасары – мәгариф һәм фән министры вазифаларын башкаручы итеп билгеләнде. Бүген Рафис Борһановның депутат вәкаләтләре вакытыннан алда тәмамланып, яңа вазифага билгеләү Дәүләт Советы депутатлары белән килештерелде.
Кызыклы яңалыкларны күзәтеп бару өчен Телеграм-каналга язылыгыз