news_header_top
16+
news_header_bot
news_top

Татарстан отряды Чечня Республикасыннан югалтуларсыз кайтты

Милиция хезмәткәрләренә яхшы хезмәт иткән өчен дәүләт һәм ведомство бүләкләре тапшырылды

(Казан, 6 март, «Татар-информ»). Бүген ТР буенча эчке эшләр министры урынбасары Андрей Вазанов җитәкчелегендә Татарстан милициясенең җыелма отряды Чечня Республикасыннан югалтуларсыз кайтты.
Татарстан милициясенең җыелма отряды анда ярты ел командировкада булды. Хокук тәртибен саклаучылар Гудермес районында җәмәгать тәртибен һәм административ биналарны саклау вазифаларын башкардылар. Милиция хезмәткәрләренә яхшы хезмәт иткән өчен дәүләт һәм ведомство бүләкләре тапшырылды
Милиция отрядын ТР буенча эчке эшләр министры Әсгать Сәфәров, министрлык җитәкчеләре, туганнары һәм дуслары каршы алды.
Татарстанның эчке эшләр министры милиционерларга хәрби бурычларын яхшы үтәгәннәре өчен рәхмәт белдерде. “Мин гадәттән тыш хәл була калса, берегез дә дустыгызны ташлап калдырмаячагыгызга ышанам”, - дип билгеләп үтте Әсгать Сәфәров, дип хәбәр итә ТР Эчке эшләр министрлыгының матбугат хезмәте.








news_right_1
news_right_2
news_bot