Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан осталары Казанда узачак «РОСТКИ» форумында мастер-класслар үткәрәчәк
Уникаль осталык үзәге резидентлары катнашындагы ярминкә 17 һәм 18 августта «Казан Экспо» күргәзмә үзәгендә узачак. Алар IV «РОСТКИ: Россия һәм Кытай – үзара файдалы хезмәттәшлек» халыкара форумы кысаларында мастер-класслар үткәрәчәк һәм үз эшләрен тәкъдим итәчәк. Бу хакта форумның матбугат хезмәте хәбәр итә.
Металл зонасында үзәк осталары кунакларга һәм форумда катнашучыларга зәркән бизәнү әйберләре ясау техникаларын күрсәтәчәк һәм аларга бизәнү әйберләре ясап карарга тәкъдим итәчәк.
Форум кунаклары шулай ук Татарстанның традицион һөнәрләре белән таныша алачак. Оста Гүзәл Зарипова келәм туку осталыгы дәресен үткәрәчәк, бу һөнәрнең тарихы, келәмнәр ясау технологияләре һәм кораллар белән эш итүнең төп алымнары турында сөйләячәк.
Оста Салават Мөхәммәдьяров мамыктан үрү буенча мастер-класс үткәрәчәк. Катнашучылар мамыкны эшкәртү һәм үрү тәртибе турында беләчәк, борынгы коралларны күрәчәк һәм үзен бу эштә сынап карый алачак.
Уникаль осталык үзәге резиденты Альбина Нуретдинова киез басу дәресе үткәрәчәк.
Кирәкле материалларны оештыручылар бирәчәк. Әзер әйберләрне катнашучылар үзләре белән алып китә алачак.
Мастер-класслар мәйданчыгы 17 һәм 18 августта 10:00 сәгатьтән 18:00 сәгатькә кадәр эшләячәк. Катнашу өчен алдан теркәлергә кирәк. Катнашу бушлай.
Яңалыкларны күзәтеп бару өчен Макс-каналга язылыгыз