Татарстан осталары федераль сабантуйга ясаган утарлар Кемеровода калачак
Скопировать ссылку
Татарстан осталары сабантуй өчен ясаган агач утарлар Кемерово өлкәсе Төбәк татар милли-мәдәни мохтариятенә калдырыла.
«Кемерово мәчете янәшәсендә татар иҗтимагый оешмасы өчен җир бирелде. Утар йортлары шунда урнаштырылачак. Бүген Татарстан Рәисе Рөстәм Миңнеханов белән Кемерово өлкәсе губернаторы Сергей Цивилев шул хакта килештеләр», – диде Бөтендөнья татар конгрессы җитәкчесенең беренче урынбасары Марс Тукаев.
2021 елда Кемеровода үткәрелгән Шахтерлар сабантуе өчен махсус ясалган утарлар «Томская писаница» тыюлыгында урнаштырылган иде.
Кемеровоның Мәскәү мәйданында XXIII Федераль сабантуй һәм III Шахтерлар сабантуе башланды.