news_header_top_970_100
news_header_bot_970_100

Татарстан омбудсмены һәм Мәгариф министрлыгы вәкиле гражданнарны кабул итәчәк

24 майда Казанда мәгариф мәсьәләләре буенча гражданнарны кабул итү булачак.

Консультацияне Татарстан Республикасында Кеше хокуклары буенча вәкаләтле вәкил Сәрия Сабурская һәм Татарстан Республикасы мәгариф һәм фән министры урынбасары – Татарстан Республикасы Мәгариф һәм фән министрлыгының мәгариф өлкәсендә күзәтчелек һәм контроль департаменты җитәкчесе Рәмис Мөҗипов үткәрәчәк.

Халык сорауларына 10:00 сәгатьтән 12:00 сәгатькә кадәр Карл Маркс ур., 61 адресы буенча җавап бирәчәкләр. Мәгариф мәсьәләләре буенча консультацияләр алу өчен +7(843)236-41-80 телефоны буенча алдан язылырга кирәк.

Республиканың муниципаль районнарында яшәүчеләр үз сорауларын Skype ярдәмендә Кеше хокуклары буенча вәкаләтле вәкилнең җәмәгать ярдәмчеләренең кабул итү бүлмәләрендә бирә алачак, дип хәбәр иттеләр Татарстан Республикасында Кеше хокуклары буенча вәкаләтле вәкил аппаратында.

news_right_column_1_240_400
news_right_column_2_240_400
news_bot_970_100