Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан мөфтие «Сәлах» мәчетендә Рамазан аеның үзенчәлекләре турында сөйләде
Татарстан мөфтие Камил хәзрәт Сәмигуллинның Рамазан аенда республикабыз мәхәлләләрендә халык белән очрашулары дәвам итә. Кичә, Рамазан аеның 6нчы көнендә, мөфти Казан шәһәренең “Сәлах” мәчетендә мөселман кардәшләребез белән очрашып, үгет-нәсыйхәтләрен җиткерде.
ТР Диния нәзарәте матбугат хезмәте хәбәр итүенчә, хәзрәт ахшам намазына кадәр Рамазан аенда ураза тотуның фарыз булу тарихы, уразаның фазыйләтләре, нәфесне тәрбияләү, Коръән уку өчен бирелә торган саваплар, хәтем кылуның мөһимлеге, дингә хикмәт белән чакыру турында вәгазь сөйләде. Камил хәзрәт ислам динендә кардәшлек мәсьәләләренә тукталды, Рамазан аен Коръәнне өйрәнүгә багышларга өндәде.
Кояш баегач мөфти ахшам намазын укытты һәм мәхәллә халкы белән бергәләп ифтар кылды. Дин кардәшләребез белән Рамазан ае сөенечен бүлешергә шулай ук Татарстан Фәннәр академиясе президенты Мәгъзүм Сәлахов, Казан шәһәренең баш мөхтәсибе Рөстәм хәзрәт Вәлиуллин, “ДУМ РТ Хаҗ” оешмасы җитәкчесе Ранис хәзрәт Вахитов, танылган эшмәкәрләр, иганәчеләр килгән иде.
Кызыклы яңалыкларны күзәтеп бару өчен Телеграм-каналга язылыгыз