news_header_top
16+
news_header_bot
news_top

Татарстан Министрлар Кабинеты республикадан читтә татар телен үстерү өчен грант булдырды

Татарстанда республикадан читтә татар телен үстерү инициативаларына ярдәм итү өчен грантлар булдырылды. Республика Министрлар Кабинеты карары Татарстан Республикасының хокукый мәгълүматлар рәсми порталында урнаштырылган.

Грант күләме 100 мең сум тәшкил итә. Ул ел саен биш инициативага биреләчәк. Бу акчага Татарстан Республикасыннан читтә татар телен үстерүгә юнәлтелгән мәдәни чаралар үткәрелергә яисә китаплар һәм мәкаләләр бастырылырга тиеш. Инициативаның грант биреләчәк елның 30 декабреннән дә соңармыйча нәтиҗәгә ирешүе шарт.

Грант алуга өч елдан күбрәк эш тәҗрибәсе булган һәм «Татар теле һәм әдәбияты» профиле буенча эшләүче дипломлы педагоглар дәгъва итә ала.

news_right_1
news_right_2
news_bot