Җәмгыять 22 февраль 2018 20:34

Татарстан Милли музеенда укучыларга тантаналы рәвештә паспорт тапшырылды

Истәлекле чара Ватанны саклаучылар көне һәм Кызыл Армия төзелүнең 100 еллыгы уңаеннан узды.

Скопировать ссылку

(Казан, 22 февраль, “Татар-информ”, Татьяна Иванова). Бүген Татарстан Милли музеенда Казан мәктәпләре укучыларына тантаналы рәвештә паспорт тапшырылды. Чарада яшьләргә паспортның килеп чыгу тарихы, паспортның Россия гражданнары өчен төп документ булуы турында сөйләделәр.

Истәлекле чара Ватанны саклаучылар көне һәм Кызыл Армия төзелүнең 100 еллыгы кысаларында узды. Ул Россия Федерациясе һәм Татарстан Республикасы гимннары уйнаудан башланып китте.

Татарстан Милли музее директоры Гөлчәчәк Нәҗипова яшьләрне кулларына беренче төп документны алулары белән котлады. Ул “Я – гражданин России! Мин – Татарстан баласы!” республика акциясе турында сөйләде.

Паспортларны укучыларга 1941 – 1945еллардагы Бөек Ватан сугышы мемориал-музей җитәкчесе, танылган тарихчы Михаил Черепанов тапшырды. Соңыннан укучылар һәм әти-әниләре өчен музей буйлап экскурсия оештырылды.

#паспорт #милли музей

Сәхифәләр

Татарстан Милли музеенда укучыларга тантаналы рәвештә паспорт тапшырылды