Татарстан Милли музеенда «Татарстан музейлары: тарихи мирас картасы» күргәзмәсе ачыла
15 октябрьдә Татарстан Республикасы Милли музеенда «Татарстан музейлары: тарихи мирас картасы» дип аталган яңа зур күргәзмә ачыла. Бу хакта музейның матбугат хезмәте хәбәр итте.
Үзенчәлекле проект кысаларында музейда беренче тапкыр Татарстанның биш районы — Арча, Әтнә, Биектау, Балык Бистәсе һәм Питрәч районнары музейларының уникаль материаллары тәкъдим ителәчәк. Экспозиция Россия халыкларының мәдәни мирасы елына багышлана.
Күргәзмә төбәкнең тарихи мирас картасы булачак. Ул республикабызның төрле почмакларында традицион кәсепләр, һөнәрләр, архитектура һәйкәлләре һәм күренекле шәхесләрнең исемнәре ничек саклануын һәм яңадан яшәеш алуын күрсәтәчәк.
Күргәзмәне «Гаилә» илкүләм проектының «Пушкин картасы» федераль программасы буенча карарга мөмкин булачак.