Фән һәм мәгариф 25 ноябрь 2017 11:48

Татарстан Милли музеенда “Географик диктант” язачаклар

Акция 26 ноябрдә 12:00 сәгатьтә башлана.

Скопировать ссылку

(Казан, 25 ноябрь, «Татар-информ»). Татарстан Милли музее "Географик диктант” мәгариф акциясен үткәрү мәйданчыкларының берсе булачак, дип хәбәр итә музей матбугат хезмәте.

Акция 26 ноябрдә 12:00 сәгатьтә башлана. Бу чарада катнашу өчен, 292-66 -16 телефоны буенча теркәлү узарга кирәк булачак.

Диктантны dictant.rgo.ru. сайтында онлайн да язарга мөмкин.

Элегрәк Татарстанда “Географик диктант” халыкара мәгариф акциясе үткәрү өчен, 30 дан артык мәйданчык теркәлгән дип хәбәр ителгән иде.

Диктант өч блокка бүленгән 30 тест биременнән тора. Беренче блокка географик аңлатмаларны һәм терминнарны тикшерү буенча биремнәр кергән, икенчесе карта белән эшли белүгә юнәлдерелгән. Өченчесе – сәяхәтчеләр көндәлегеннән һәм әдәби әсәрләрдән өзекләр буенча географик объектларны билгеләү. Диктантта иң югары бәя – 100 балл.

#географик диктант #милли музей

Сәхифәләр

Татарстан Милли музеенда “Географик диктант” язачаклар