Мәдәният 22 сентябрь 2017 12:29

Татарстан Милли музее Өлкәннәр көненә әзерләнә

"Язмышның гүзәл мизгелләре" дип аталган ункөнлек вакытында алар музейга бушлай керә алачак.

Скопировать ссылку

(Казан, 22 сентябрь, “Татар-информ”, Мөршидә Кыямова). Милли музей 1-10 октябрь көннәрендә "Язмышның гүзәл мизгелләре" ункөнлеге оештыра. Бу хакта “Татар-информ” мәгълүмат агентлыгына Татарстан Милли музееның матбугат үзәге хезмәткәре Гүзәлия Җәләлева хәбәр итте.

"Өлкән яшьтәге музей кунаклары белән без актив эшчәнлек алып барабыз, – ди Гүзлия Җәләлева. – Алар безнең төрле проектларыбызда даими катнашып тора. 1-10 октябрьдә махсус алар өчен Милли музей күп төрле чаралар оештырачак. Өлкәннәр ункөнлеге вакытында пенсия яшендәгеләр, хезмәт ветераннары музейга бушлай керә алачак. Алар өчен музей дәресләре, экскурсияләр, мастер-класслар оештырылачак. Ветеран коллективлары һәм сәнгать әһелләре белән иҗади кичәләр уздырылачак".

Мәгълүм булганча 1 октябрь – Халыкара өлкәннәр көне буларак билгеләп үтелә.

#Татарстан Милли музей

Сәхифәләр

Татарстан Милли музее Өлкәннәр көненә әзерләнә