Татарстан Милли китапханәсендә татар теленнән «Ярар» дигән түләүсез дәресләр башлана

Скопировать ссылку

15 апрельдә Татарстан Республикасы Милли китапханәсе KazanExpress маркетплейсы белән берлектә «Ярар» дип исемләнгән татар телен өйрәнү буенча түләүсез курслар башлый.

«Дәресләрдә катнашучылар көндәлек сүзләр өйрәнәчәк. Курс ахырында алар татарча сөйләшә һәм укый алачак. Төркемнәр татар телен укытуның башлангыч дәрәҗәсе буенча - башлап җибәрүчеләр һәм телне өйрәнүне дәвам итүчеләр төркеменә бүленә», - дип хәбәр итә Милли китапханә матбугат хезмәте.

Укулар атнага бер тапкыр, шимбә көнендә 1,5 сәгать дәвам итәчәк. Башлап җибәрүчеләр төркеме 11:00дә, дәвам итүчеләр өчен 13:00дә шөгыльләнә.

«Беренче ике очрашу – ачык дәрес форматында була, анда барлык курсны узарга теләүче 15 укучыдан төркем формалаштырылачак. Дәрес кысаларында сәламләү, танышу, саубуллашу, үзеңне тәкъдим итү, хобби, гаилә, алу-сату, гаилә пикнигы, һава торышын фаразлау, тышкы кыяфәт һәм мактау сүзләрен әйтү, мәхәббәт һәм дуслык кебек темалар өйрәнеләчәк, диелә хәбәрдә.

14 яшьтән өлкәнрәк теләгән һәр кеше курсларга языла ала, моның өчен сылтамага кереп гариза тутырырга кирәк.

#татар теле курслары #Татар теле

Сәхифәләр

Татарстан Милли китапханәсендә татар теленнән «Ярар» дигән түләүсез дәресләр башлана