Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Милли китапханәсендә китап карикатуралары күргәзмәсе ачылачак
Дүшәмбе көнне, 1 июньдә, 15:00 сәгатьтә Татарстан Республикасы Милли китапханәсендә «Китап карикатуралары» күргәзмәсе ачыла. Экспозициядә Иран рәссамнары эшләре, шулай ук «Чаян» һәм «Крокодил» Совет һәм Россия сатирик журналларыннан рәсемнәр тәкъдим ителәчәк. Чарага керү ирекле.
Күргәзмәдә үзәк урынны Иран авторлары эшләре – Иран гавами китапханәләре фонды оештырган ике елга бер тапкыр үткәрелә торган Бишенче Халыкара китап фестивалендә катнашучыларның рәсемнәре алып тора. Биенналеның рәсми җыентыгы Милли китапханә фондына 2024 елда Иранның Казандагы Генераль консуллыгы тарафыннан XVI БРИКС саммитының мәдәни программасы кысаларында тапшырылган.
Чит ил экспозициясен төрле елларда «Чаян» һәм «Крокодил» легендар сатирик журналларында басылган Совет һәм Россия рәссамнары эшләре тулыландыра. Рәсемнәрнең тематикасы балалар һәм әдәбият арасындагы үзара мөнәсәбәтләрдән алып цифрлы медиа дәверендә китапның кулланылышының үзгәрүенә кадәр җәелгән. Авторлар астыртын һәм бераз мыскыллап көлү һәм метафора аша хәзерге кеше тормышында китап укуның урынын тасвирлый, дип хәбәр итә Татарстан Республикасы Милли китапханәсе матбугат хезмәте.
Моннан тыш, Милли китапханә фондыннан халыкларның төрле телләрендәге әлифбалар экспозициясе тәкъдим ителәчәк.
Ачылу тантанасында Иран Ислам Республикасының Казандагы Генераль консулы Давуд Мирзахани, Н.И.Фешин исемендәге Казан сәнгать училищесы директоры Ольга Гыйльметдинова, шулай ук «Чаян» журналының баш мөхәррире Рафаэль Хәлилуллов катнашачак.
Кызыклы яңалыкларны күзәтеп бару өчен Телеграм-каналга язылыгыз