Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Милли китапханәсендә «Библиотөн» Бөтенроссия акциясе уза
Шимбә көнне, 18 апрельдә, Татарстан республикасы Милли китапханәсендә «Библиотөн» Бөтенроссия акциясе уза. Әлеге чара быел Россиядә 15нче тапкыр «Халыклар бердәмлеге – Россия көче» темасына багышлап уздырыла.
Программага көн дәвамында күргәзмәләр, стендап-шоу, китапларның аудио форматын әзерләү остаханәсе, иҗади очрашу һәм башка кызыклы чаралар кертелгән.
Бу көнне 9:00 сәгатьтән 21:00 сәгатькә кадәр классик залда «Татарстан – Россия халкының берләшү үзәге», универсаль залда «Без – юлдашлар: Россия милләтләре китаплары», классик залда «Бердәмлек ритмында. Россия милләтләре биюләре» китап күргәзмәләре эшли.
16:00 сәгатьтә музыкаль залда «Дөрес язу серләре клубы» очрашуында көтәчәкләр.
17:00 дә чит ил студентлары белән сорау-җавап форматында дусларча, җылы очрашу уздырыла. Кунаклар төрле чит ил телләрендә аралашачак.
Тулы программа белән сылтама буенча танышырга мөмкин, дип хәбәр итә Татарстан Республикасы Милли китапханә матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз